4-5 снежня ў Гродна прайшоў заключны семінар у рамках праекта «Вымяраючы гета: Гродна – Чарнаўцы – Кішынёў». У першы дзень воркшопа кандыдат гістарычных навук, дацэнт Іна Соркіна правяла сесію пра тэму Халакоста ў школах. Гісторык працуе ў адной з гарадскіх гімназій, на яе ўроках студэнты будуць прэзентаваць вынікі сваіх міні-праектаў.
Некалькі год таму Іна Соркіна ўдзельнічала ў семінары для настаўнікаў пра праблемы выкладання тэмы Халакоста ў ізраільскім нацыянальным мемарыяле Яд ва-Шэм. Яна адзначыла цікавы трэнд ў методыцы працы з дзецьмі і падлеткамі. «Не варта палохаць аудыторыю жахамі, што адбываліся ў лагерах смерці і гета. Лепей знаёміць моладзь з такім складаным гістарычным матэрыялам з дапамогай чалавечых гісторый», – пракаментавала адмысловец. У другі дзень семінара студэнты працавалі ў малых групах, каб дашліфаваць свае прэзентацыі да канца.
