Першы дзень заключнага семінара пачаўся з анлайн-сустрэчы і абмену ўражаннямі ўдзельнікаў праекта з усіх гарадоў. Прадстаўнікі Гродна, Чарнаўцоў і Кішынёва коратка распавялі, як працавалі над сваімі канчатковымі праектамі і што новага яны адкрылі для сабе ў працэсе гэтай працы. Большасць уражанняў у першую чаргу былі звязаныя з “адкрыццём” родных мясцін удзельнікаў праекта і іх гісторыі. Спецыяліст па дыдактыцы з Чарнаўцоў, настаўнік Наталля Герасім распавяла пра сучасныя метады і прыёмы інтэрактыўных адукацыйных праектаў у школах. Яна падзялілася эфектыўнымі метадамі працы, якія можна выкарыстаць у класе. Яна таксама распавяла пра найноўшыя тэхналогіі (фотаздымкі, Google Maps, дакументы), якія можна стасаваць для прыцягнення ўвагі аўдыторыі і ўцягвання вучняў у інтэрактыўную працы. Па словах Наталлі, вельмі важным з’яўляецца адваротная сувязь з вучнямі. Таму яна параіла ўдзельнікам праекта ўлічваць узрост тых, каму будуць прадстаўленыя іх праекты. Адпаведна, гэты фактар таксама неабходна ўлічваць падчас выбару метадаў арганізацыі работы ў класе.
Таксама ў гэты ж дзень адбылася заключная частка працы над мікрапраектамі. Удзельнікі падрыхтавалі кароткую прэзентацыю сваёй працы, выслухалі парады калег і абмеркавалі праблемы, якія ўзніклі падчас працы.
Другі дзень заключнага семінара быў прысвечаны падрыхтоўцы мікрапраектаў да прэзентацыі ў школах горада. Наталля Герасім распавяла ўдзельнікам, як правільна падрыхтавацца да ўрока і якія падыходы дапамогуць зрабіць прэзентацыю праекта ў класе максімальна інтэрактыўнай. Таксама настаўніца прадэманстравала ўдзельнікам некалькі метадаў падання інфармацыі, якія выкарыстоўваюцца для працы з адпаведнай узроставай групай навучэнцаў. З-за каранцінных абмежаванняў у цяперашні час навучанне старэйшых класаў адбываецца анлайн, таму былі абмеркаваныя асаблівасці правядзення ўрокаў на інтэрнэт-пляцоўках. Кожная група распрацавала падрабязны план будучага ўрока. Удзельнікі першай групы вырашылі правесці ўрок-дыскусію па творчасці Зельмы Меербаўм. Вучні змогуць праслухаць частку падкаста і вершы паэткі, пасля чаго распавядуць пра эмоцыі, выкліканыя паэзіяй пісьменніцы, і папрацуюць з матэрыяламі на сайце праекта. Другая група будзе праводзіць заняткі ў якасці ўводнага ўрока ў тых класах, дзе вывучэнне Халакоста толькі пачынаецца. Удзельнікі падзеляцца сваім досведам пошуку інфармацыі пра гісторыю Чарнавіцкага гета і раскажуць, у якіх установах Чарнаўцоў можна знайсці дадатковыя матэрыялы на гэтую тэму.
