Апісанне праекта
У межах міжнароднага праекта ВЫМЯРАЮЧЫ ГЕТА студэнты з Украіны, Беларусі і Малдовы з дапамогай найноўшых інструментаў даследуюць гета і ўмовы жыцця яўрэйскага насельніцтва ў гэтых трох гарадах у Гродне, Чарнівцах і Кішинёве з 1941 па 1944 г. Яны вымяраюць тэрыторыю былога гета, дакументуюць вуліцы, плошчы, дамы, вывучаюць біяграфіі, праводзяць інтэрв`ю з мясцовымі жыхарамі, размаўляюць з відавочцамі тых падзей і іх нашчадкамі, наведваюць мясцовыя яўрэйскія арганізацыі і знаёмяцца з актуальнымі праблемамі культуры памяці ў сваіх гарадах. Больш
Разам з прадстаўнікамі грамадскай супольнасці, навукі, экспертамі па інфармацыйных тэхналогіях удзельнікі з трох краін праводзяць афлайнавыя і анлайнавыя майстэрні з кастрычніка па снежань 2020 г. Яны знаёмяцца адзін з адным у рэжыме анлайн і наладжваюць кантакты, дыскутуюць пра культуры памяці ва Украіне, Беларусі і Малдове і прадстаўляюць мікрапраекты, якія яны распрацоўвалі цягам некалькіх тыдняў з дапамогай дыджытал метадаў. Яны прадстаўляюць вынікі мікрапраектаў у школах і іншых навучальных установах і, такім чынам, становяцца мультыплікатарамі свайго ж праекту. Вынікі публікуюцца на анлайн-платформе.
Праект ВЫМЯРАЮЧЫ ГЕТА мае наступнае мэты:
- перадаць памяць пра Халакост і гета маладым пакаленням і праінфармаваць аб ім шырокую грамадскасць;
- прапанаваць найноўшыя метады і доступ да гістарычных тэм;
- забяспечыць міжнародны абмен паміж маладымі людзьмі;
- падтрымаць грамадскую супольнасць як аснову правоў чалавека і дэмакратыі. Менш
